АНЫҚТАМА

17 мамыр күні жазғы каникул қарсаңында «Мамыр –Ынтымақ айы» айлығы аясында Қазақстан Республикасы Оқу-ағарту минстірлігі  кітап құмарларды тарту мақсатында, мектеп оқушыларына «Демалыста кітап оқимыз» республикалық буккроссингін бастады.  

Буккроссингтің мақсаты: еліміз бойынша барлық мектеп оқушыларын кітап оқуға шақыру, кітап ұсынымдарымен бөлісу және жаңа әдебиеттерді ашу.

 Буккроссингтің міндеті:  қазақстандық оқушыларды акцияға қатысуға тарту арқылы олардың оқу белсенділігін арттыру.

 Тапсырмалар: оқуға деген ынтасын арттыру; оқу мәдениетіне тәрбиелеу;

«Оқыдым – басқаға сыйлаймын» қағидасы бойынша, кітапқа екінші өмір сыйлауға оқушылардың құштарлығын ояту.Буккроссингтің мәні - жазғы демалыста кітап оқу. Буккроссингке    1-11 сынып оқушылары қатысты. Кітап алмасу күні ата-ана Г.Акімжанова және оқушы К.Мақсатқызы кітапханаға кітап сыйлады.

                                                   Кітапханашы  Г.Балтабаева

                                                           17.05.2024ж

                                                АНЫҚТАМА

     13 мамыр күні «Ұлы Жеңіс жаңғырығы» атты 2-4 сынып оқушылары мен танымдық сағат өтті. «Ерлік даңқы ешқашанда өшпейді» атты кітап көрме ұйыдастырылып оқушыларға таныстырылды. 9 мамырда ТМД елдерінің, соның ішінде Қазақстанның аумағында жыл сайын бүкілхалықтық мереке – Жеңіс күні атап өтіледі.
   Жеңіс күні - жыл сайын тоғызыншы мамырда тойланатын мереке. Ұлы Отан соғысы аяқталғаннан  бері көптеген жылдар өтті. Қазіргі ұрпаққа соғыс жылдары қандай болғанын  елестету өте қиын. Өйткені, біздің бақытымызға орай,  бейбітшілікте туып, соғыстың қасіретін тартпадық. Біз,  Ұлы Отан соғысына қатысқандардың ерліктері туралы  еш уақытта ұмытпаймыз. Бұл мереке - тек ардагерлер мен соғыс балалары үшін ғана емес, біз үшін де мереке. Бұл күні біздің жүрегімізде бақыт, қуаныш сезімдері, ең бастысы - мақтаныш сезімдері бар.

                                                Кітапханашы Г.Балтабаева 

                                                              13.05.2024ж

 Қаламгердің өмір жолы, партизандық шежіресі мен көркем  публицистикасы

   Ұлтымыздың ұлы келешегі, халқымыздың қайталанбас біртуар даңқты перзенті, халық қаһарманы, партизан жазушысы -  Қасым Қайсенов.  Қазақ халқының қайталанбас дара тұлғасы. Қазақтың қайсар ұлының өмір өткелдері сан қилы. Қасым Қайсенов 1918 жылы 23 сәуірде Шығыс Қазақстан обылысы Ұлан ауданындағы Асубұлақ ауылында дүниеге келген. Туған ауылында орталау мектепті бітірген соң, 1935 жылы Қасым Қайсенов Өскемен қаласындағы Саяси-ағарту техникумына түсіп, оны 1938 жылы бітіреді. Сөйтіп, арнайы орта білім алып, обылыстық Оқу бөлімінде инспектор болып қызмет істейді. Ал 1939 жылдың қысында Әскери мектепке түседі де, оны 1941 жылдың күзінде бітіріп шығады. 1941 жылдың қараша айында Қасым Қайсенов оңтүстік-батыс майдан штабының қарамағына жіберіледі. Сол жерден ол арнайы тапсырмамен гитлершілдер басып алған Украина жеріне, жау тылына аттанады. Жау жайлаған елге ұшақпен келіп түскен сәттен  бастап, Қасым Қайсеновтың партизандық өмірі басталады. Ол Чапаев атындағы партизан құрамасының үшінші отрядын басқарады. Одан кейін 1944 жылдың аяғына дейін Молдавия, Украинаның Закарпатье, Чехословакия, Румыния жеріндегі партизан қозғалыстарына қатысады. Отряд командирі болып жүріп, жау тылында жүздеген жорықты басынан өткерді. 1944 жылы Украинаның Закарпат, Карпатты азат етуге қатысқан. Ол Киев және Полтава обылыстарындағы партизандар қозғалысын алғаш рет ұйымдатырушылардың бірі ретінде тарихта қалды. Партизандардың қалың қолын басқара жүріп, жау тылында жүздеген жорықты басынан өткеріп, фашистерді сан рет тізе бүктірді. Майдан даласында украин жауынгерлері Қасым Қайсеновты бауырларындай көріп, өз аттарымен «Вася» деп атапты.

    Қасым  Қайсенов бір естелігінде «Украина - менің екінші Отаным. Украиндіктер - мәңгі ұмытылмас бауырларым. Осылай ұлы украин халқын шексіз сүйіп, бауыр басып кеткен адаммын. Әлі де шығатын, жазбақ кітаптарым да сол Украина жеріндегі жойқын айқасқа арналған. Сол үшін де өзімді украин жазушыларының бірімін деп есептеймін. Өзімді украин жазушыларының осындағы елшісіндей сезінемін»,- деген екен.

     Осы жөнінде жазушы Ғафу Қайырбековтың айтқан деректеріне назар аударсақ: «...Қасым Қайсеновке келсек – Қасекең батырлығы ерекше, мүлде қазақы батырлық. Олай дейтінім – әлгі партизан соғысы – тура біздің қазақша соғыс, бетпе-бет соғыс, қолма-қол айқас. Бұған жүректің жүрегі шыдайды. Қасым өзінің документтік, құжаттық деректі де көркем хикаяларын жазарында болған оқиғаның орны мен уақытын керемет дәлдікпен суреттейді ғой? Сонау Украинаның қалың ормандарының жыныс түкпірлерін көз алдынан өткізеді. Қасекең бармаған орман, тау-тас, көзі тінтпеген қуыс-құбыр, баспаған батпақ қалмаған болар, фашистерді оқпен ату өзіне басқа нәрсе, ал қол-аяғын тұсап, жатқызып қойып бауыздау – қанша сұмдық көрінгенімен партизанның негізгі әрекет сипаты еді. Өйткені партизандық көбіне жасырын соғыс, онда мылтық дауысын естіртуге болмайды. Жалпы жарылыс, бұзылыс, қирату, бүкіл соғыс жүрісін – транспорт, қару-жарақ қоймасы, қозғалу, қорғану дейсіз бе – бәрінің жоспарын біліп, құртып жіберу, адамдарды қойдай қыру – міне, партизан соғысы осындай нәрсе. Алғашқы айларда жаумен бетпе-бет келгендер – осы партизандар, жау тылында қалғандар. Олардың ішінде жергілікті халықтан басқа қазақтардың көбірек болуында да мән бар. Жау дегенде алдымен шабатын қазекең қолда,  қоршауда қалып қоюы заңды. Одан кейінгі қолайлы соғыс ол үшін, әрине, партизандық соғыс, - деп партизан соғысының күрделілігін түсіндіре отырып, осының тура ішінде жүрген Қ.Қайсеновтің көзсіз ерлігін мадақтайды 

    Қан майданда етігімен су кешкен Қасым Қайсеновке бейбіт өмірге бейімделу оңайға түскен жоқ. Осы ретте ағалық ақылын, қамқорлығын көрсеткен Жұмағали Саин болды. Қасым Қайсенов Сәбит Мұханов, Бауыржан Момышұлы, Рақымжан Қошқарбаев, Мұқан Иманжанов, Мәлік Ғабдулин, Әди Шәріпов, Ғабит Мүсірепов, Қасым Аманжолов сынды қазақ зиялыларымен жақсы қарым-қатынаста болған. Соның ішінде Қасым Аманжоловпен алғаш танысқандығы жөнінде өз естеліктерінде былай деп жазған,

      «Соғыс аяқталған кез. Алматыда жүрмін. Майданнан оралған ақын жазушыларды Жұмакеңнің ауызынан естіп көруге асығамын. Бір күні оның үйіне барсам, бір адам домбыра шертіп отыр екен. Екеуіне сәлем бердім. Домбыра шертіп отырған кісі домбырасын қабырғаға сүйеп орнынан тұрды. Мен оларға жақындаған кезде:

- Міне, енді танысып қойыңдар, мына кісі Қасым Аманжолов деген ақын ағаң, жуырда майданнан келді,- деді Жұмағали бұрылып. Ортадан төмен бойы бар, шағын денелі, сары адам маған: «бұл кім болды екен?» дегендей қарап тұр. Екі-үш күн бойы сақал-мұртыма ұстара тимепті.

    - Мынау да Қасым аттасың, бұл партизан, партизан болғанда мықтының өзі! Украинада мұны «Вася» дейді екен,- деп мені Жұмағали ол кісіге көпірте таныстырды»      Соғыс аяқталысымен Қасым Қайсенов елге оралып, Қазақ КСР Жоғарғы Кеңесінің Президиумы аппаратында жауапты қызметте істеді. Жамбыл облысының Жуалы, Свердлов аудандарында атқару комитеттері төрағаларының орынбасары ретінде соғыстан кейінгі ауыл шаруашылығын қалпына келтіру науқанына белсене араласады. 1953-1970 жылдар аралығында Қазақстан Жазушылар одағында және баспа орындарында («Жазушы», «Қайнар») көркем әдебиетті насихаттау бюросы директоры, редактор, директордың орынбасары қызметтерін атқарды.

         Замандас ағалары Бауыржан Момышұлы, Мәлік Ғабдуллин, Баубек Бұлқышев сияқты Қасым Қайсенов те қос қарудың,  найза мен қаламның баһадүр иегері еді. Оның қаламынан Ұлы Отан соғысының қиын-қыстау кезеңдері, жауынгерлердің жанқиярлық ерліктері жайындағы дүниелер шықты. Оқырман жүрегінен ойып тұрып орын алған шығармалары қазақ әдебиетінің әскери тақырыбын байытты. 1954 жылы Қасым ағаның орыс тілінде «Жас партизандар», атты алғашқы кітабы жарық көреді. Одан кейінгі кездерде «Илько Витряк», «Переяслав партизандары», «Ажал аузынан», «Жау тылындағы бала», «Днепрде», «Жау тылында», «Партизан соқпақтары», тағы басқа әңгіме, очерк, повесть жинақтары оқырман қолына тиді. Бұл шығармалары орыс, украин, басқа да көптеген тілдерге аударылған. Кейінгі кездері «Елімнің ертеңіне сенемін», «Естеліктер мен жазбалар», тағы да басқа кітаптары жарық көрді. Шығармашылық өмірінде отыз шақты кітап жазып қалдырды. Ол М.Муратовтың "Ломоносовтың жастық шағы", Николай Томанның "Сабылтқан сағым", Мамед Кулизаде Жәлелдің "Почта жәшігі" кітаптарын аударды. Кітаптары орыс, украин, қырғыз және вьетнам тілдеріне аударылды.

    Қасым Қайсеновтің ішкі жан дүниесі, биік рухани келбеті ол кісінің замандастарының, қаламдастарының жазбаларында талай рет айшықталып белең алған. Жазушы Әбіш Кекілбайұлы: «Ол біздің қанды қасаптан оралмай қалған мыңдаған ағаларымыз бен әкелеріміздің ақырғы көзіндей еді. Оған қарап, опат тапқан сол бір ержүрек ұрпақтың келбеті мен қасиетін көргендей болушы едік. Қарағайға қарсы біткен бұтақтай қайсар мінезіне әрі сүйсінуші едік, әрі именуші едік. Сүйсінетініміз: оның бір басына ғана емес, окоп түбінде ойрандалып қалған мыңдаған замандастарының бәріне де тән сол бір қайтпас қайсарлықтың арқасында аман қалып, адыра шаңырақтарды қайтадан қатарға қосу үшін алға тырмысып, азамат болдық. Қаймығатынымыз: ортамызда тірі жүрген оны ренжітсек, опат болған қаһарман ұрпақтың бәрін ренжітетіндей көруші едік. Бірақ, Қасекең тас түйін қайсарлығын сонау Карпат ормандарында қалдырғандай, қайсымызбен де: «Айналайын, амансың ба?» - деп жайма-шуақ амандасатын. Күркірей шыққан жуан дауысы құлағымызға майдай жағушы еді... Ол дүниеден өткенше кешегі күркіреген екінші жиһангерлік соғыстың жауынгері болып қала білді. Украинада жау басып алып, тірідей шерменде болып отырған қауымға Жаратушының өзі аяқ астынан жіберген ақ қанат періштедей көрінген құтқарушылық панагөйлігін Қазақстанға қайта оралған соң қара қағаздардан еңсесі түскен қайғылы қауымның қайта тыңайып, қайта еңсе көтеруі жолындағы қалтқысыз еңбекке арнады. Қанжарын қаламға айырбастап, тым майса кезінде үсік шалып, жапырылып қала жаздаған жетім ұрпақтың жауынгер әкелері мен ағаларының ерлік дастандарын жазды. Ерлік туралы айта отырып, елдік жайында сыр шертті. Ұлттық намысты оятты. Ұрпақтық парызды ескертті. Елжандылық тағылымын көрсетті. Сол үшін де тәуелсіз қазақ мемлекеті қан түкіріп, от кешкен есіл ердің оған дейін бағаланбай келген теңдесі жоқ ерліктерін ең асыл ұлттық құндылығымыз санап, «Халық Қаһарманы» құрметті атағын берді. Бағзы бабасы Қабанбай батырдай даңқ шыңының даусыз дарабозы болып өмір сүрді. Ол өмір біз түгілі бізден кейінгі қазақ ұрпақтарына халық жолында қалтқысыз еңбек етудің қастерлі өнегесі болып қала береді», - деп еске алады.

     Ал майдан кешкен жазушы, жауынгер Әзілхан Нұршайықов тағдырлас ағасының бейнесін былайша аша түседі: «Кешегі Ұлы Отан соғысы кезінде әркім әртүрлі бөлімдерде болып, неміс-фашистеріне қарсы күресті. Біреу танкист, біреу ұшқыш, біреу артиллерист болды. Енді біреулер жаяу әскер қатарында жаумен айқасты. Қасым Қайсеновтің үлесіне партизандық тиді. Ол алғашында Чапаев атындағы 8-партизан құрамасында №3 отрядтың командирі болып, Украина жерінде жауға желке жағынан соққы берді. Соғыс кезінде қалыпты әскердегі біздерді ел қару-жарақ, азық-түлікпен қамтамасыз етіп отырды. Ұрыста сиреген қатарымызды да халық толтырды. Елдегі туыстарымыздан, сүйген жар, сүйікті қыздардан үнемі хаттар алып тұрдық. Осының бәрі бізге күш-қуат берді. Ал майданның сырт жағындағы партизандарда мұндай мүмкіндіктердің бірі де болған жоқ. Олар «Ер азығы мен бөрі азығы - жолда» дегендей, ордалы жыланның ортасында, фашистердің қоршауында жүріп, шыбын жанын шүберекке түйіп, өздерін азық-түлікпен, қару-жарақпен қамтамасыз етті. Жау сыртына барып түскен 23 жасар Қасекең осындай күйде жүріп, партизан отрядын ұйымдастырды. Кейін Елбасымыз Нұрсұлтан Назарбаевтың жалынды жігерінің арқасында Баукеңе Кеңес Одағының Батыры атағы берілді. Қазақстан тәуелсіз мемлекет болғаннан кейін Нұрекең өз Жарлығымен Рақымжан Қошқарбаевқа да, Қасым Қайсеновке де «Халық қаһарманы» атағын берді. Қасекең бұл лайықты атақты аса зор тебіреніспен қарсы алған еді.

    Ол өзінің соңғы сағатына дейін тәуелсіз мемлекетінің тынысын жырлаумен өтті. Еліміздегі елеулі оқиғаларға газет арқылы үздіксіз үн қосып отырды. Жеңістерге қуанды, кемістіктерге ренжіді. Бәрін ашық айтып отырды», - дейді қаламгер . Екінші дүниежүзілік соғыс жылдарындағы жауынгерлік ерліктері үшін Қ.Қайсенов І дәрежелі Ұлы отан соғысы орденімен, «Богдан Хмельницкий» орденімен. Осыдан бірнеше жыл бұрын Украина үкіметі оны екінші және үшінші дәрежелі «Ерекше ерлігі үшін» ордендерімен марапаттады. «Отан соғысы», «Чехословакия партизандары», Кеңес одағының көптеген орден, медальдарымен марапатталған. Ол Қазақстан Жазушылар одағының Бауыржан Момышұлы атындағы әдеби сыйлығының лауреаты. Халқымыздың қайталанбас біртуар даңқты перзенті Қасым Қайсенов 2006 жылы 30 желтоқсан күні 89 жасқа қараған шағында ауыр науқастан дүние салды.

      Қасым Қайсенов - адамзат тарихында бұрын-соңды болып көрмеген ең жойқын соғыста жауға етегінен шалдыртпай, жағасынан алдыртпай өткен еңіреген ер, басқыншы жаудың қатарын сейілтіп, қаралай қалтыратқан Вася партизан. Қасым Қайсенов - Тәуелсіз Қазақстанның ең алғашқы Халық қаһармандарының бірі. Ұлттың батыры, қазақ халқының қайталанбас қаламгер иесі.

Бөлексаз  орта мектеп мектепке дейінгі шағын орталығымен» коммуналдық мемлекеттік  мекемесі 

                                                АНЫҚТАМА

      Мектебімізде «Оқуға құштар мектеп» жобасы аясында 5-9 сыныптар арасында «Қазақтың қас батыры  халқымыздың қайталанбас бір туар перзенті Қасым Қайсенов» атты дөңгелек стол өтті.   Жазушы шығармалары оқырмандар қауымы тарапынан да ықыласпен қабылданып,  жоғары бағасын алды. Бұндай табыстың сыры Қ.Қайсеновтің айрықша өмірбаян иесі екендігінде және балалық шағында да, майданда да, одан кейінгі уақытта да әдеби дарыны бар тұлғалармен тығыз қарым-қатынаста болғандығында . Қ.Қайсенов – өзіндік стильдік қолтаңбасы қалыптасқан қаламгер. Бұндай ерекшеліктерді оның әңгімелері мен повестерін, көсемсөз үлгілерін және естеліктерін оқи отырып айқын аңғарамыз. Қасым Қайсенов шығармаларынан автордың жазба әдебиет мұраларымен қатар фольклорлық дәстүр негізінде пайда болған туындылармен де жете суысындағаны байқалады. Тарихи тұлға деңгейіне көтерілген қайраткерлердің, қарапайым адамдардың образдарын жасауда автор жазба әдебиетінің де, ауыз әдебиетінің де уақыт тезіне төтеп берген тәсілдеріне арқа сүйегені аңғарылады. Қаламгердің өз шығармасына арқау болған өмір шындығын ешбір қоспасыз, өзгеріссіз беру дағдысы оның шығармашылығына тән басты ерекшелік болып табылады. Оның туындыларының осындай сипаты оларды көркем тарихнама үлгілері ретінде қабылдауға толық негіз береді.

                                                         10.05.2024ж

                                              Кітапханашы Г.Балтабаева

Бөлексаз орта мектеп кітапханасында 1-9 мамыр аралығында «Ерлік даңқы ешқашан да өшпейді» атты кітап көрмесі жасалып оқушыларға таныстырылды. Мақсаты: Жеңіс күні – бұл мереке жеңісті ерліктің, еңселі елдіктің рухы өрлеп, Жеңіс туы желбіреген күн. Елі мен жері үшін жанын пида еткен, туған-туысқандарына, жақын-жарандарына, туған жеріне оралмай қалған қаһарман ерлерді бүкіл елі болып еске алатын күн. Ұлы Жеңіс күні бейбітшілікпен қайырымдылықтың жасампаздығы, Отанын қорғаған жауынгерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейді.Қойылған көрмеден Ұлы Отан соғысы тарихынан бастап, қатысқан жауынгерлердің батырлықтарын айқындайтын әдеби шығармалар, Жеңіс туралы жазылған еңбектер және Ұлы Отан соғысына қатысқан ардагер ғалымдардың  естеліктерімен танысуға болады.

                                                   Кітапханашы Г.Балтабаева

                                                                  02.05.2024ж 

Кештің мақсаты: Мектеп оқушыраны кітап оқуға тарту. Кітап оқуға деген сүйіспеншілігін арттыру. Кітапты күтіп, оны таза, ұқыпты үйрету.

Көрнекілігі:Кітаптар, плакаттар.

Кештің  бағдарламасы: Кештің өтуіне атсалысқандар 6-10  сынып оқушылары

1.жүргізуші Айгерім

                              2.жүргізуші  Айзере

1-жүр.: Құрметті ұстаздар мен оқушылар 23-сәуір Қазақстанда Бүкіләлемдік «Кітап күні» аталуына байланысты «Кітап –білім бұлағы» атты кешімізді бастауға рұқсат етіңіздер.

2-жүр.: Кітап арқылы адамзат ақыл-ойының інжі маржанын бойына жинайды да, оларды ұрпақтан-ұрпаққа жеткізеді.

1-жүр.: Кітапсыз адам өмірі бос. Кітап біздің досымыз ғана емес, сонымен біздің тұрақты мәңгілік сенімді серігіміз де.

2-жүр.: Балалар, сендер жылдан жылға осы кітаптан оқып, білім алып, кітаптан мәдениеттілікті, адамгершілікті, шындықты үйреніп, кітаппен бірге ер жетіп келесіңдер.

1-жүр.: Кітап – заманымыздың өмірі, ол кәрігеде, жасқа да кажет дей келе оқушыларымызды орындауында кітап-білім бұлағы деген өлең шумақтарын қабыл алыңыздар.

1-оқушы

Кітап!

Сен – адамзаттың жақын досы,

Келмейді сені оқымай көңіл хошы.

Ел мұңы, өмір сыры, ақын жыры-

Басылған таңба болып өзіңе осы.

2-оқушы

Сөйлеп өзіңменен тіл қатады,

Еріксіз сөзін жұртқа тыңдатады.

Жеткізіп өткендердің өсиетін,

Шешіліп кейде достай сырласады.

3-оқушы

Ақылдың сөнбей тұғын шам-шырағы,

Білімнің сарқылмайтын бал бұлағы.

Ашқанда-ақ беттеріңді өткен күнмен

2-жүр.: Кітапты оқып өспеген біздің болашағымыз қандай болмақ?

1-жүр.: Ия, өкінішке орай ондай оқушылар бар. Ғалым да, ақын-жазушылар, археолог, мұғалім, дәрігер барлық маман иелері осы білім арқылы зор жетістікке жетті. Білім бұлағы – кітап. Олай болса білім бұлағы – кітапты оқымайтын жалқау жөнінде «Жалқау жауабы» атты көрініс ұсынамыз

Мұғалім рөлінде –Кәусар 

Жалқау рөлінде –Ұлан

Мұғалім: - Қарағым, қалғыма,

                   Қара жөндеп алдыңа,

                   Сөздің турасына келсек

                     Дәптерің қайда, көрсет?

Оқушы:  - Сыныпта қалып кетіпті,

                   Біреулер алып кетіпті.

Мұғалім: -  Одан да балақай

                        Десеңші жазбадым.

Оқушы:   -      Жоқ, апай жазғам

                        Кеше құдыққа барғам,

                        Сонда түсіріп алдым,

                        Парағын ұшырып алдым

Мұғалім: -      Болмаса, оқығаныңды айт.

                        Көңілге тоқығаныңды айт.

Оқушы:   -      Апай, оқыдым

                        Үйде отырмадым.

Мұғалім:  - Е, қайда болдың?

                        Не ойладың?

Оқушы:   -      Сайда болдым,Доп ойнадым.

Мұғалім:  -     Кешкілік не істедің?

Оқушы:  -       Асық ойнайтын жерді тегістадім.

                        Енді түрегеліп,

                        Үйге кіре беріп,

                        Табалдырықтан құлап түстім.

                        Ұзынымнан сұлап түстым.

Мұғалім: -      Кітап бетін аштың ба?

Оқушы:  -       ия, көрпенің астында

                        Біраз қарап,

                        Парағын санап,

                        Басым ісіп кетті.

                        Денем ысып кетті.

Мұғалім: -      Жатып оқуға бола ма?

Оқушы: -        Жоқ, апай

                        Ойыннан соң қарным ашып,         

                        Дегбірім қашып,

                        Табақпен іші кең,

                        Көжені көп ішіп ем.

                        Шертиіп тойып кеттім,

                        Сосын төсекке қойып кеттім.

                        Сөйтіп қалжырап,

                        Тәтті ұйқымен маужырап,

                        Сабақ оқи алмадым.

Мұғалім: -      Онда саған, Тиісті баға «жаман»!

                        Тиісті баға «жаман»!

2-жүр.: Балалар,біз барлығымыз кітаптан оқып, білім алып, кітаптан мәдениеттілікті, адамгершілікті, ізгілікті, шындықты үйреніп, кітаппен бірге ер жетіп келеміз. Сондықтан да , кітапты жыртпай, кірлетпей, бүлдірмей таза ұстап, оқыған кезде мәнерлеп дұрыс оқу керек.

1-жүр.: Құлақтан кіріп бойды алар,

               Әсем ән мен тәтті күй.

               Көңілге түрлі ой салар,

               Әнді сүйсең менше сүй, - деп Абай атамыз айтқандай келесі кезекті әнге береміз. 

2-жүр.: Кітапсыз өтілген бір күн орны толмас бос кеткен күн. Көркем әдебиеттерді таңдап оқи білу де үлкен өнер. Ол үшін оқырманды жас күнінен бастап, өмір бойы оқи білуге баулу керек дейди Маркулевич.

1-жүр.: «Кітаппен дос бол, кітаптың жомарт беттері көзіңді ашар, адал дос одан жоқ тегі»,- деген расул Гамзатов. Кітап оқу білімге жетелейді дей келе оқушыларымыздың білім жөнінде өлең шумақтарын тамашалайық.

1-оқушы:

Ақыл керек, білім тыңдап оларға,

Білім керек іске жақсы қарарға.

Ақыл-шырақ, қара түнді ашатын.

2-оқушы:

Білім жарық , нұрын соған шашатын,

Біліктіні тыңда – ақылдың бұлағы.

Білімді сөз – шырын жанның құнары.

3-оқушы

Тәрбиесіз бала білім ұғар ма?

Олай болса, уысыңнан шығарма.

Тартар күйік, ет кескендей етінен,

Қатты тәртәп көсе бала күніңде,

өмірімен қуантады түбінде.

2-жүр.: кітап қызметін айтып тауысу мүмкін емес деп ойлаймын. Сондықтан да, сол білім нәрімен сусындататын, өткен өмір тарихымен таныстыратын, бізге үнемі дос болып, қызмет ететін кітапты құрметтейік.

1-жүр.: Сөйлесіп өзіңмен тіл қататын.Еріксіз сөзін тыңдататын – кітап, кітап оқитын адамның көзі ашық дей келе «Оқыған адамның көзі ашық» атты көріністы ұсынамыз.

Қызы рөлінде:Толғанай

Әкесі рөлінде:Ұлан

Қызы:(кітапты оқып) «Оқығанның – көзі ашық. Оқымаған адам соқыр болады»

Қызы әкесіне келіп: «Оқығанның – көзі ашық. Оқымаған адам соқыр болады» деп жазып қойыпты. Бұл не деген?

      Әкесі: Оқыған адам көпті біледі. Көзінің ашық болатыны содан, ол оқымағанның дүниеден хабары аз болады. Бұл соқырмен тең етеді.

   Қызы: Міне, әжем оқымаған. Сонда да соқыр емес қой. Ал сен қызметтен келсең-ақ болды, отырып алып өсти бересің. Сонда да, көзіңнің артық ештенесі де жоқ. Әжемнің көзіндей.Ой қолым сия болып қалыпты. Не істейін? Әжем ыстық сумен жу деген соң, ыстық сумен жуып едім қолып күйіп қала жаздады. Әке не істейін?

     Әкесі: Күкіртпен ысқылап жібер

     Қызы: Әке, сіз бұны кімнен көрдіңіз?

     Әкесі: Ешкімнен де көргенім жоқ. Кітаптан оқыдым. Оқыған  адамның көзі ашық деген, міне осы.

    Қызы: Әке, «Оқығанның - көзі ашық. Оқымаған соқыр болады» деген сөздің мағынасын енді түсіндім.

2-жүр.: Білім алар көп адам.

               Жақсы нәрсе жоқ одан.

               Қызыға кеп оқимын,

               Кітап көрсем жаңадан.

               Кітап маған ұнайды,

              Кітап – білім бұлағы.

           1-жүр.:Жас көңілдер жайнасын,

              Шешен тілдер сайрасын.

              Айтып жібер бір әнді,

Әнші  Аяла қайдасың? деп -----------  орындауындаға «школе» әнін ұсынамыз.

      2-жүр.: Ізгілікті, шындықты үйрететін кітабымызды жыртпай, кірлетпей, бүлдірмей, таза ұстау керек. Кітапты аздырып-тоздыратындардың бірі – шаң-тозаң. Шаң-тозаң соншама қолға жұмсақ болғанымен, зиянды. Шаң-тозаңды құрғақ шүберекпен сүртіп тұру керек. Кітапқа шаң-тозаң енбеу үшін оларды тығыз етіп орналастыру қажет.

1-жүр.: Кітаптың тысы тез оңып кетеді. Сол себепті кітап салған шкафты терезеге қарама қарсы қоюға болмайды. Кітапқа дақ түсірмей, таза ұстау керек. Балалар кітапты таза ұстау керек. Сендер кітапты қалай ұстау керек жөнінде мағлұмат алдыңдар. Ал қазір сіздерге кітапты таза ұстамаған оқушы жөнінде көрініс ұсынамыз.

Мұғалім рөлінде: Аякөз

Оқушы рөлінде: Абылай

Мұғалім: Қанекей, балалар тынышталып дәптер алыңдар. ( умаждалған кітабын шығарды.)

Мұғалім: Аблай кітапты осылай ұстауға бола ма? Бұл кітапты шығаруға, безендіруге қыруар қаржы жұмсалатынын, қанщама адамдар тер төгетінін білесің ба?

Аблай: Жоқ, білмеймін. Кітап шығару соншалықты қиын ба?

Мұғалім: Балалар, сендер білесіңдер ма?

    Оқушылар: Жоқ.

      Мұғалім: Ал, ендеше балалар сендер мұны біліп жүрулерің керек. Ең бірінші орманшының аялы алақанымен өсірген ағашты, қанша адам тиеп кеседі. Тиеп оны машинист ағамызға тапсырады. Машинист ағамыз бұл ағаштарды қағаз жасатуға заводқа апарады. Заводтағы аға-апларымыз бағалы қағаз жасап, әдемілсін көркемдеп берсін деп суретші ағайларға тапсырады. Қаншама уақыт отырып суретшілер көркемдеп, ғалымдарға тапсырады.Ғалым аға-апаларымыз кітапты ұзақ толғпнып,жылдар бойы жазады. Ғалым аға-апаларымыз жұмыстарын әріп терушілерге береді. Әріп теру үшін талай адам терлеп, баспахана ішінде айлап тыныш көрмейді. Баспаханадан түптелген кітап болып шығып, оқулықтар мектеп оқушыларына беріледі. Аблай  көрдің бе саған беріліп отырған оқулыққа қаншама адам еңбек еткенін. Ал, сен мына кітаптаы дұрыс ұстамай, қанша адамның еңбегін бағаламай отырсың.

Аблай: Апай кешіріңіз. Осы уақытта дейін мен соншама адамның тер төгіп, еңбек еткенін білмеппін. Енді бұлай істемеймін. Үйге барып кітабымды қаптап, түптеймін.

Мұғалім: Білім шырағын беріп отырған оқулықты құрметтеп, еш беттеріне дақ түсірмей, кірлетпей, күтіп ұстап, кішілерге табыс етуіміз керек. Балалар, енді бұдан –бұлай кір ұстап, умаждаймыз ба?

Балалар: Жоқ.

2-жүр.: Иә, балалар кітап шығару үшін қанща маман иелері еңбек етеді десеңші. өміріңді нұрландыратын кітап.

1-жүр.: «Мектепте оқу керек, ал  мектептен шыққан соң онан да  көп оқу керек!» -  дейді ғалым Д.Писарев.

2-жүр.: Іздегенде табады,

               Ғалым жұмбақ, тау сындас.

               Білім өмір сабағы,

               Ғұмыр бойы таусылмас,- дей келе келесі кезекті әнге береміз.  1-жүр.: Кітап оқу – тіл байлығын дамытып, білімдітолықтырып, адамның көңіл-күйін көріктендіреді. Сондықтан да кітапты көп оқып, өз білімдеріңізді жетілдіріп, саналы да, білімді адам болып өсіңіздер дей келе «Кітап ескірмейі» атты көріністі ұсынамыз.

Аблай  рөлінде: 

Аяла  рөлінде:

Аяла:  - Е, достым! Не істеп жатырсың?

Аблай : - Ә, Аяла сен екенсің ғой. Мынау ескірген киім, қағаз, кітап бәрін өртейін деп жатыр едім.

Аяла: - Қой, Азамат! Киім ескіргенмен, кітап ескірмейді. Саған бұл кітаптар керек болмаса маған бер.

Аблай: - Аяла ғой, маған керегі шамалы.

2-жүр.: Бірер күннен  кейін мұғалима апай бир тапсырма береді. Сол кезде Аблай бұл тапсырма Аяла берген кітабында бар екені есіне түседі, Аялаға  бару керектігін жөн көрді.

Аблай:Апайымыздың берген тапсырмасы Ерланға берген кітабымда, кітабымды оған неге бердім екен?Амал жоқ Ерланға барып кітабымды уақытша маған беруін сұрап көрейін.

Азамат Аялаға келіп: Ерлан қалай жағдай? Мен саған берген кітабымда бір тапсырманы жазып алайын деп едім. Бере тұршы.

Аляла: Қарындасым Ләззат алып кетіп еді. Бұл кітаптардан мен көптеген мәлімет алдым.

Азамат: Маған керегі шамалы деп бекер айтыппын. Сен дұрыс айтыпсың. Кітаптың сырты ескіргенмен ішіндегі ақыл сөзі ескірмейді екен.

Аяла : Аблай оны түсінгеніңнің өзі де бір жеңіске жеткенің. Қарындасым алып келген соң, кітаптарыңды өзіңе апарып тастаймын.

Аблай : Рахмет, досым. Сендей ақылды да, адал дос болғанына қандай қуаныштымын.

2-жүр. Иә, балалар мына көріністен кейін кітаптың сырты ескіргенмен, ішіндегі ақыл сөзі ескірмейтінін түсінген шығарсыздар.

1-жүр.: Әрбір оқушы білімін шыңдау үшін кітап оқуы тиіс. Еліміздің болашағы біздер, сондықтан да жалықпай, шаршамай көп ізденіп, ғылым мен білімнің жолына түсулеріңізді, кітап оқып, оны таза, мұқият ұстауларыңызға шын жүректен тілектеспін.

2-жүр.: Көмекші дос – кітап болатынын әрқашанда естен шығармаңыздар деп кешімізді аяқтауға рұқсат етіңіздер.

Қорытынды: Қорытындылай келе кешті өткізудегі мақсатымыз. Оқушылар көп оқып, өз білімдерін жетілдіріп, білімді адам болуға тәрбиелеу. Білімнің жолына түсулеріңізге кітаптың рөлі өте зор екенін жеткізу.

Бөлексаз орта мектеп мектепке дейінгі шағын орталығымен» коммуналдық мемлекеттік мекемесі

Бөлексаз орта мектеп кітапханасында «  23- сәуір Дүниежүзілік кітап күніе орай» кітап көрмесі жасалды. Мақсаты:  Мектеп оқушыларын кітап оқуға тарту.Кітап оқуға деген сүйіспеншіліктерін арттыру. Кітапты күтіп, оны таза,ұқыпты ұстауға үйрету.

Қорытындылай келе оқушыларды көп оқып ,өз білімдерін жетілдіріп , білімді адам болуға тәрбиелеу. Білімнің жолына түсіулеріңізге кітаптың ролі зор екенін жеткізу мектеп директорының  тәрбие ісі жөніндегі орынбасары Исаева самал сөз  сөйлеп қорытындылады. «Оқуға құштар мектеп» жобасы аясында көркем әдебиетке жаны құмар көп оқитын «Ең үздік сынып», 8  сыныптарға , «Жылдың ең үздік оқырманы», Байжұма Мадияр, « Үздік оқырман сынып» 6 сыныптарға берілді  «Үздік оқырман»  Ерген Аяла, Сейтхан Бейбарыс,, Шүкен Айзере, Байжұма Мадияр, Мұратбекқызы Диана  атты оқушыларға  марапаттар берілді.

                                                         Кітапханашы Г.Балтабаева

                                                                        23.04.2024ж

Бөлексаз орта мектеп кітапханасында   22 сәуір күні 1 сынып оқушыларымен «Түлкі мен қырғауыл» ертегісін кезектесіп  оқып түсініктерін айту арқылы  талдады. Бір түлкі қалың ағашты аралап келе жатып, ағаштың басында отырған қырғауылды көреді де жақындап келіп:

 - Сәлеметсіз бе, қырғауылым, халің қалай? – дейді.

— Жақсы, өзің қалай тұрасың? – дейді.

Түлкі: — Жерге түсіп, сөйлессеңіз қайтеді, бір құлағым естімеуші еді? – дейді.

Қырғауыл:— Жерге түсуге қорқамын, жерде әр түрлі аңдар бар, бізді жеп қоюы мүмкін, – дейді.

Түлкі:— Әй, достым, қазір заман бұрынғы заман емес, жаңа ғана келдім, бұйрық шығыпты, біреуге біреу зорлық қылмасқа, қой мен қасқыр бірге жүрсін, түлкі мен тауық бірге жүрсін деген, – дейді.

Қырғауыл:— Жақсы хабарыңыз бар екен, рақмет, достым! Мына жақтан бір иттер келе жатыр, оларға да хабарыңызды айтыңыз, есітсін, – дейді. Ит деген сөзді естіген соң, түлкі алды-артына қарамастан қаша жөнеледі.

Қырғауыл:— Қайда барасың, түлкім, бұйрықты ұмытып кеттің бе? – дейді.

Түлкі:— Кім біледі, бұйрықты ол естімеген шығар, – дейді міңгірлеп.

Қазақ ертегілері баланы мейірімді, адал болуға баулиды әрі қиял әлеміне қанат бітіріп, жақсылыққа сендіреді. Ертегі – тұнып тұрған тәрбие құралы. Заман ағымы өзгерсе де, ұрпақты ертегімен өсірудің берері мол екені анық. 

                                                               Кітапханашы Г.Балтабаева

                                                                       22.04.2024ж

Бөлексаз орта мектеп кітапханасында   "18-сәуір Халықаралық ескерткіштер мен тарихи орындар күніне»  орай кітап көрмесі ұйымдастырылды 5-10 сыныптар оқушыларымен «Ескерткіштер- ұрпақтың рухани азығы» атты тарихи- таным сағатты өтті.             Халықаралық ескерткіштер мен тарихи орындар күні 1984 жылдан бастап жыл сайын 18 сәуір күні атап өтіледі.  Мерекенің бас­ты мақсаты – тарихи ескерткіштерді сақтау және мәдени мұраны қорғау мәселелеріне қоғамның назарын аудару.    Бөлексаз орта мектебі де секерткіштерді қорғау күніне 5-18 сәуір аралығында арнайы жоспар құрып, іс-шаралар өткізуді бастап кетті. Ауыл аймағында орналасқан ескерткіштердің аумағын тазалау, сенбілік жұмыстары ұйымдастырылды. Мектеп кітапханашысы Гүлзира Балтабаева ескерткіштер туралы  арнайы көрме ұйымдастырып, оқушылардың білім көкжиегін кеңейтті.  1-11 сынып жетекшілері «Ескерткіштер – ұрпақтың рухани азығы» тақырыбында сынып сағаттарын өткізді.  5-6 сынып оқушылары  Кеген ауылындағы Музейге тарихи-мәдени экскурсияға барып, туған өлкеміздің мәдениеті мен тарихын терең  ұғынды.

                                                                     Кітапханашы Г.Балтабаева

                                                                               17.04.2024

https://www.instagram.com/p/C53OtZIolvE/?igsh=MW5ldWh4NGptMXhiNw==https://www.instagram.com/p/C53OtZIolvE/?igsh=MW5ldWh4NGptMXhiNw==

Бөлексаз орта мектеп кітапханасында   15 сәуір күні 3 сынып оқушыларымен «Адам мен қарлығаш неге дос» ертегісін оқып түсініктерін айту арқылы  талдады. Қарлығаштарадаммен бірнеше себептер бойынша дос болады. Біріншіден, олар бізге жәндіктермен күресуге көмектеседі, бұл біздің денсаулығымызға пайдалы. Екіншіден, олардың бізбен қарым-қатынас жасаудың бірегей тәсілі бар және олар өте мейірімді бола алады. Үшіншіден, қарлығаштар үй мен отбасын бейнелейді, бұл біздің және осы құстардың арасында ерекше байланыс жасайды.Қарлығаш қазақ ұғымында қасиетті құс саналады. Көктемнің келгенінен хабар беретін жыл құсының азайып бара жатқаны әлем ғалымдарының назарын аудара бастады. Біз осы тұста табиғатпен үндесіп, аймағымызға маңайламай кеткен көктем құсының түрлерін анықтап, ауылдардағы тұрғындармен сауалнама жүргізіп, қариялардың ойын тыңдап, құстарды арнайы зерттеп жүрген ғалымдардың жұмысымен танысты. Маса қарлығашқа кеп, қарлығашқа екі-үш рет тиіседі де, жыланның алдына барып жылап жібереді.-Ә сен мұның тіліне бірдеңе қылған екенсің ғой,-деп жылан қарлығашқа қарай атылады.Қарлығаш ұша жөнеледі.Жылан қарлығаштың құйрығын ғана тімтеп қалады.масаның ызылдап, жыланның топырақ жалап жүргені содан екен. Ал адам сол кезден бері жыланнан сақтанып жүреді. Қарлығаштың құйрығы екі айыр болып қалады. Ол жыланна қорқып, адамды дос тұтып, үйінің ішіне ұя салады. 

                                         Кітапханашы Г.Балтабаева

                                                     15.04.2024ж

Сәтбаев Қаныш Имантайұлы - 125 жыл

Сәтбаев Қаныш Имантайұлы – Қазақстан геологтары ғылыми мектебінің негізін қалаушы, қазақстандық металлогения ғылымының негізін салушы, геология-минералогия ғылымдарының докторы, профессор, Қазақстан Ғылым академиясын ұйымдастырушылардың бірі әрі тұңғыш президенті, КСРО және Қазақстан Ғылым академияларының академигі, Тәжікстан Ғылым академиясының құрметті мүшесі, қоғам қайраткері, КСРО Мемлекеттік және Лениндік сыйлықтарының лауреаты.

Павлодар облысының Баянауыл ауданында туған. Сауатын ауыл молдасынан ашқан болашақ ғалым Павлодардағы орыс-қазақ мектебінде, Семей мұғалімдер семинариясында, Томск технология институтының тау-кен факультетінде білім алған. Мұғалімдер семинариясында Ж.Аймауытов, М.Әуезов сынды көрнекті қайраткерлермен бірге оқыған. Ш.Құдайбердіұлымен тығыз байланыста болып, оның шығармашылығын жоғары бағалаған. «Алаш» қозғалысы қайраткерлерінің іс-әрекетіне қолдау білдірген.

1947 жылы Англияға сапар жасаған кеңес парламентарийінің ішіндегі қазақ ғалымына Ұлыбританияның экс Премьер-министрі У.Черчилль қалжыңдап «Барлық қазақтар сіз сияқты сұңғақ, батыр тұлғалы ма?» деп сұрапты. Сонда академик Қ.Сәтбаев «О, жоқ, Черчилль мырза, қазақтардың ішіндегі ең кішісі мен, менің халқым менен де биік» деп жауап беріпті. Осы бірауыз сөзден ғалымның дене бітімі ғана емес, жан-дүниесінің, халқын сүйген жүрегінің де ірі екенін байқауға болады.

Ғалымның негізгі ғылыми еңбектері кентасты кендер геологиясы мен Қазақстанның минералды ресурстарына арналған. Жезқазған кенін зерттеу және Орталық Қазақстанның (Сарыарқаның) металлогендік және болжам картасын жасауда көп еңбек сіңірген. Ол ғылымға формациялық металлогендік анализдің кешендік әдісін енгізген. 1926-1929 жылдары кені мардымсыз өңір болып саналған Жезқазғанды ірі мыс кентасты аудан қатарына көтеруде Сәтбаевтың еңбегі өте зор болды. Бұрынғы геологиялық деректерге терең талдау жасап, бұл кен ауданының кең көлемдегі геологиялық-барлау жұмыстарын ұйымдастыруға болатын ірі нысан екенін дәлелдеген. Минералдық шикізаттарға бай Сарыарқа, Кенді Алтай және басқа да аймақтарды ерекше назар аударып зерттеген. 1927-1928 жылдары – Жезқазған, Қарсақбай, Атбасар, Спасск аудандары, Қарағанды тас көмір алабы және Қаратау полиметалл кендері жөнінде ғылыми маңызды еңбектер жариялаған. 1929 жылы Атасу темір-марганец кендерін игерудің негізінде Қарағанды облысында қара металлургия өнеркәсібін дамыту туралы мәселе көтерген. Жезқазған – Ұлытау ауданында мыстан басқа темір, марганец, көмір, қорғасын кендерін ашып, барлау нәтижесінде маңызды геологиялық қорытындылар жасаған. Ұлы Отан соғысы жылдарында танк бронын құюға қажет марганец тапшылығы туған кезде Сәтбаевтың жетекшілік етуімен өте қысқа мерзімде Жезді марганец кені барланып, іске қосылған.

Академиктің қолдауымен Алматыда Орта Азия геофизика тресі ұйымдастырылып, Қазақ КСР Геология және жер қойнауын қорғау министрлігі құрылған. Қазақстан Ғылым академиясын ұйымдастырып, ондағы бөлімдерді, оған қарайтын институттарды, зертханаларды, секторларды, базаларды дұрыс жоспарлаған. Ғылыми кадрлар дайындау ісіне үлкен жауапкершілікпен қараған. Ғылыми зерттеулердің өзекті мәселелерін халық шаруашылығының мүддесіне бағыттап, шаруашылық және мәдени құрылыстың басты мәселелерін шешуге белсене қатысқан. Жезқазған кен-металлургия комбинатын, Қарағанды мен Балқаш металлургия зауыттарын, Ертіс-Қарағанды арнасын салу, Маңғыстау, Мұғалжар, Торғай өңірлерінің табиғи байлықтарын анықтау жөнінде зерттеу жұмыстарын ұйымдастыру, республикамыздың ірі минералдық шикізат қорларын – Кенді Алтайды, Қаратау фосфоритін Қостанай мен Жезқазған – Ұлытау өңірлеріндегі темір, марганец, т.б. көптеген кен орындарын игеру Сәтбаев есімімен тығыз байланысты.

Сәтбаевтың геологиядан басқа ғылымдарда, мәдениет саласында, тарихта қалдырған еңбектері мол. Ш.Уәлиханов жазып алған «Едіге» жырының мәтініндегі қазақ оқырмандарына түсініксіз араб, татар сөздерінен тазартып, қазақ тілінің жаңа орфографиясының негізінде қайтадан дайындаған. Жезқазған – Ұлытау өңірінен көптеген этнографиялық мұраларды жинап, «Жезқазған ауданындағы көне заман ескерткіштері» атты еңбегін жазған. Қазақ орта мектебінің төменгі және жоғары сынып оқушыларына арналған «Алгебра» оқулығын дайындаған. 1931 жылы басылған А.Затаевичтің «500 қазақ әндері мен күйлері» жинағына Сәтбаев қазақ халқының музыкалық мұрасының інжу-маржаны болып есептелетін 25 әнді өзі орындап, орыс тілінде ғылыми түсініктеме беріп енгізген.

Қазақстанның қала, ауылдарында Сәтбаев есімімен аталатын жүздеген көше, 40-тан астам мектеп және көптеген ғалымның ескерткіштері бар. Оның есімі Қазақстан Ғылым академиясының Геология ғылымдары институтына, бір қала мен ғаламшарға, еліміздің ең ірі техникалық оқу орны Қазақ ұлттық техникалық университетіне берілген. Сәтбаевтың құрметіне Жоңғар (Жетісу) Алатауы жотасындағы мұздық пен шың, Қаратаудағы ваннадий кен орнынан табылған «Сәтбаевит» минералы, «Академик Сәтбаев» гладиолиус гүлі аталған.

2-ші дәрежелі Отан соғысы ордендерімен, медальдармен марапатталған.

Биыл ғалым-геолог, металлогения ғылымының және мектебінің негізін қалаушы, Қазақ КСР Ғылым академиясының тұңғыш президенті және академигі Қаныш Имантайұлы Сәтбаевтың туғанына 125 жыл толады.  Сәтбаев Қаныш Имантайұлы 1899 жылы 12 сәуірде дүниеге келген. Оның есімі Қазақстанның өнеркәсібі мен ғылымының қалыптасу кезеңімен тығыз байланысты. Қ.И.Сәтбаев  ̶  Қазақстан жер қойнауының пайдалы қазбаларын, Жезқазғандағы мыс қорларын  ашқан алғашқы қазақ геологы, Қазақстан Ғылым Академиясының ұйымдастырушысы және тұңғыш президенті, Кеңес Одағының шығыс республикаларынан шыққан КСРО ҒА-ның тұңғыш академигі, КСРО және Қазақ КСР Жоғарғы Кеңестерінің депутаты, Мемлекеттік және Ленин сыйлықтарының лауреаты, төрт мәрте Ленин орденімен, 2-дәрежелі Отан соғысы орденімен марапатталды.

Бөлексаз орта мектеп мектепке дейінгі шағын орталығымен» коммуналдық мемлекеттік мекемесі

Бөлексаз орта мектебінде 12 сәуір күні Қаныш Сәтбаевтің туғанына 125 жыл толуына орай 7-9 сыныптар арасында 12 сәуір – Ұлт мақтанышы, Қазақ Елінің қазына байлығын ашушы, Қазақстан Ұлттық ғылым академиясының негізін қалаушы әрі тұңғыш президенті, алғашқы академик Қаныш Имантайұлы Сәтбаевтың туған күні және осы датаға орайластырылған Ғылым қызметкерлерінің күні. 12 сәуір күні Қаныш Сәтбаевтың 125 жылдық мерейтойын жыл көлемінде атап өту рәсімінің ресми ашылу салтанаты өтеді. Қазақтан шыққан тұңғыш академик, даңқты геолог-ғалым, минерология ғылымдарының докторы, профессор Қаныш Имантайұлы Сәтбаевтың туғанына 125 жыл толады. Қазақ КСР Ғылым академиясын ұйымдастырушы әрі оның тұңғыш президенті, Қазақ КСР академиясының академигі, Кеңес Одағының және Қазақстанның металлогения мектебінің негізін қалаушы атанған бұл тұлғаның мерейтойына қазақ жұрты жүрдім-бардым қарамайтыны анық. 

Кітапханашы Г.Балтабаева.

12.04.2024ж