16 қараша "Парасат" дебат клубы "Бұл палата балалар құқығын қорғау деңгейі төмен деп есептейді" қарарына американдық форматта ойын ұйымдастырылып, үздік команда  9 сынып оқушылары «Айтары бар» командасы марапатталды. Үздік спикер болып Патарза Гүлдана танылды.

Кеген ауданы Бөлексаз орта мектебінде қазан айының жиырма бірі Республика күніне орай "Бұл палата тарихты білу оқушылардың дүниетанымын байытады" тақырыбында мектепшілік дебат турнирі өтті. Үкімет фракциясы - "Ұшқыр ой", оппазиция - "Айтары бар" фракциялары ұтымды аргументтер ұсынып, өз пікірлерін дәлелдей алды. Нәтижесінде екі тарап та теңдей ұпай жинап, мақтау қағаздарымен марапатталды.

21 сәуірде "Әлемде мейірімділік бар ма?" тақырыбына АПФ форматында пікірталас өтті. Ойынға 7-8 сынып оқушыларынан даттаушы және жақтаушы фракциялары қатысты. Оқушылар нақты аргументтер келтіріп, нәтижелі ойын көрсетті. Жеңіске 7 сынып оқушыларынан құралған "Ұшқыр ой" фракциясы жетті.

14 наурыз күні "БП Наурыз мерекесін тойлау механизмін ұсынады" тақырыбына ойын өткізді. БПФ форматында ұйымдастырылған ойын өз мәнінде өтті. Екі фракцияда ұшқыр ойларын білдіріп, нәтижесінде "Айтары бар" фракциясы жеңіске жетті.

6 желтоқсан – 9-11 сынып оқушылар арасында «Қызға қырық үйден тыйым» тақырыбына ойын ұйымдастырылды. Үздік спикер болып Алжанбай Ақбота танылды. "Twiks" командасы жеңіске жетті . 

08 қазан – 8-10 сыныптар арасында «Жастардың мәдениетін көтеру жолдары» тақырыбында американдық форматта ойын ұйымдастырылып, үздік команда  9 сынып оқушылары «Тек қана қыздар» командасы марапатталды. Үздік спикер болып Патарза Гүлдана танылды.

Қыркүйек  айының 3 жұлдызында ұйым мүшелерінің жиналысы өткізілді. «Парасат» клубының спикерлері тағайындалып, ұйымның ережелері мен мақсаттары таныстырылды. Ұйымның міндеттері мен алдағы уақытта атқаратын жұмыстар талданды. «Парасат» клубының ойыны  әр аптаның сенбі күні сағат 13:30да өтетін болып шешілді. Жетекші болып Ж.Несипбаева тағайындалды.